Молитва Андрею Критскому

Тропарь преподобномученика Андрея Критского
глас 4

Постнически предподвизався на горе,/ умная врагов ополчения всеоружием Креста погубил еси, всеблаженне,/ паки же ко страдальчеству/ мужески облеклся еси,/ убив Копронима мечем веры,/ и обоих ради венчался еси от Бога,// преподобномучениче Андрее, приснопамятне.

Кондак преподобномученика Андрея Критского
глас 8

Мужества тезоименитому благодарение,/ яко благочестия тайноглагольнику,/ похвальная воззовем от любве тебе, богоблаженне,/ но, яко имея дерзновение ко Господу,/ от всяких лютых ны спаси, да поем:// радуйся, отче приснопамятне.

Кондак преподобномученика Андрея Критского
глас 3

Празднует днесь Царствующий град/ праздник пресветлый светоносныя Твоея памяти,/ всякий призывая град и страну,/ радуется бо, яко имея сокровище велие,/ многострадальное твое тело,// Андрее мучениче, Православия светильниче.

Поделиться:

Всего комментариев: 0
avatar