Зарегистрируйтесь на сайте и продолжите чтение!

Через социальную сеть

Молитва Пресвятой Богородице перед Ее иконой «Взыскание погибших»

Тропарь Божией Матери в честь иконы Ея Взыскание погибших
глас 7

Радуйся, Благодатная Богородице Дево,/ во объятиях Своих Предвечнаго Младенца и Бога носившая./ Проси Его дати миру умирение/ и душам нашим спасение./ Сын бо Тебе, Богомати, вещает,/ яко вся прошения Твоя во благое исполнит./ Сего ради и мы припадающе, молим Тя/ и надеющийся на Тя, да не погибнем,/ имя Твое именуем:/ Ты бо еси, Владычице,/ Взыскание погибших.

Тропарь Божией Матери в честь иконы Ея Взыскание погибших
глас 4

Взыщи нас, погибающих, Пресвятая Дево, не по грехом бо нашим наказуеши нас, но по человеколюбию милуеши: избави нас от ада, болезни и нужды и спаси нас.

Кондак Божией Матери в честь иконы Ея Взыскание погибших
глас 6

Предстательство христиан непостыдное,/ ходатайство ко Творцу непреложное,/ не презри грешных молений гласы,/ но предвари, яко Благая, на помощь нас,/ верно зовущих Ти:/ ускори на молитву и потщися на умоление,/ предстательствующи присно, Богородице, чтущих Тя.
    
Молитва 1-я Пресвятой Богородице перед Ее иконой «Взыскание погибших»
О, Пресвятая и Преблагословенная Дево, Владычице Богородице! Призри милостивым Твоим оком на нас, предстоящих пред святою иконою Твоею и со умилением молящихся Тебе, воздвигни нас из глубины греховный, просвети ум наш, омраченный страстьмй, и уврачуй язвы душ и телес наших. Не имамы иныя помощи, не имамы иныя надежды, разве Тебе, Владычице, Ты веси вся немощи и согрешения наша, к Тебе прибегаем и вопием: не остави нас Твоею Небесною помощию, но предстани нам присно и Твоим неизреченным милосердием и щедротами спаси и помилуй нас, погибающих. Даруй нам исправление греховныя жизни нашея и избави нас от скорбей, бед и болезней, от напрасныя смерти, ада и вечныя муки. Ты бо, Царице и Владычице, скорая Помощница и Заступница всем, притекающим к Тебе, и крепкое прибежище грешников кающихся. Подаждь убо нам, Преблагая и Всенепорочная Дево, христианский конец живота нашего, мирен и непостыден, и сподоби нас Твоим ходатайством вселитися в обителях Небесных, идеже непрестанный глас празднующих радостию славит Пресвятую Троицу, Отца, и Сына, и Святаго Духа, ныне, и присно, и во веки веков. Аминь.

Молитва 2-я Пресвятой Богородице перед Ее иконой «Взыскание погибших»
Заступнице усердная, Благоутробная Господа Мати, к Тебе прибегаю аз, окаянный и паче всех человек грешнейший, вонми гласу моления моего, вопль мой и стенания услыши, яко беззакония моя превзыдоша главу мою, и аз, якоже корабль в пучине, погружаюся в море грехов моих. Но Ты, Всеблагая и Милосердая Владычице, не презри мене, отчаяннаго и во гресех погибающего; помилуй мя, кающагося в злых делех моих, и обрати на путь правый заблуждшую окаянную душу мою. На Тебе, Владычице моя Богородице, возлагаю все упование мое. Ты, Мати Божия, сохрани и соблюди мя под кровом Твоим, ныне, и присно, и во веки веков. Аминь.

Молитва 3-я Пресвятой Богородице перед Ее иконой «Взыскание погибших»
О Пресвятая Владычице и Богородице, высшая Херувим и честнейшая Серафим, Богоизбранная Отроковице, погибших Взыскание и всех скорбящих Радосте, подаждь утешение и нам, в погибели и скорби сущим, разве бо Тебе, иного прибежища и помощи не имамы. Ты Едина еси радости нашея Ходатаица и яко Матерь Божия и Мати Милосердия, предстоя у Престола Пресвятыя Троицы, можеши нам помощи: никтоже бо, притекаяй к Тебе, посрамлен отходит. Услыши убо и нас ныне, в день погибели и печали, пред Твоею иконою припадающих и со слезами Тебе молящихся: отжени от нас належащия на нас скорби и беды в сей временней жизни, не лишены же ны сотвори Твоим всесильным ходатайством и вечныя нескончаемыя радости в Царствии Сына Твоего и Бога нашего. Аминь.

Акафист

Поделиться:

Обязательно к просмотру:
Пресвятая Богородица, молитвы ко Пресвятой Богородице
Молитва Пресвятой Троице
Молитва и акафист Матроне Московской, святая Матрона Московская
Молитва Николаю чудотворцу
Всего комментариев: 0
avatar